كۆمه‌ڵه‌ی بانكه‌ ئه‌هلیه‌كانی عێراق: هه‌نگاوه‌كانی حكومه‌ت ده‌بنه‌ هۆی دابه‌زینی به‌های دۆلار

سه‌رۆكی كۆمه‌ڵه‌ی بانكه‌ ئه‌هلیه‌كانی عێراق پشتگیری خۆی بۆ هه‌نگاوه‌كانی حكومه‌ت بۆ به‌رزكردنه‌وه‌ی به‌های دینار دوپاتكرده‌وه‌ و رایگه‌یاند، هه‌نگاوه‌كان به‌شدارن له‌ كه‌مكردنه‌وه‌ی به‌های دۆلار به‌رامبه‌ر به‌دیناری عێراقی له‌بازاڕه‌كان.

وه‌دیع حه‌نزڵ سه‌رۆكی كۆمه‌ڵه‌ی بانكه‌ ئه‌هلیه‌كان رایگه‌یاند، هه‌نگاوه‌كانی ئه‌م دواییه‌ی بانكی ناوه‌ندی عێراق و حكومه‌ت سه‌باره‌ت به‌ ئاسانكاریی دارایی بازرگانی به‌ به‌كارهێنانی دراوه‌ نوێیه‌كان كه‌ به‌ یۆرۆ، درهه‌م، یوانی چینی و ڕوپیه‌ی هیندی هه‌نگاوێكن كه‌ به‌شدارن له‌ كه‌مكردنه‌وه‌ی به‌های دۆلار له‌ بازاڕه‌كانی ناوخۆ به‌رامبه‌ر به‌دیناری عێراقی.

ڕێكخستنی پاره‌داركردنی بازرگانی له‌لایه‌ن حكومه‌ت و بانكی ناوه‌ندییه‌وه‌ ئه‌نجام ده‌درێت

وتیشی، “ڕێكخستنی پاره‌داركردنی بازرگانی كه‌ له‌لایه‌ن حكومه‌ت و بانكی ناوه‌ندییه‌وه‌ ئه‌نجام ده‌درێت له‌ ڕێگه‌ی چونه‌ ژوره‌وه‌ی كاڵای دیكه‌ بۆ ناو پلاتفۆرمه‌كه‌ ده‌بێته‌ هۆی زیادبونی پاره‌داركردنی بازرگانی”.

بانكه‌ ئه‌هلیه‌كان هه‌نگاوی گه‌وره‌ ده‌گرنه‌به‌ر له‌ فراوانكردنی په‌یوه‌ندییه‌ نێوده‌وڵه‌تییه‌كان

وه‌دیع حه‌نزڵ جه‌ختیشیكرده‌وه‌، بانكه‌ ئه‌هلیه‌كان هه‌نگاوی گه‌وره‌ ده‌گرنه‌به‌ر له‌ فراوانكردنی په‌یوه‌ندییه‌ نێوده‌وڵه‌تییه‌كان له‌گه‌ڵ بانكه‌ نێوده‌وڵه‌تییه‌كان، ئه‌مه‌ش كارئاسانی ده‌كات بۆ دابینكردنی دارایی بازرگانی عێراق له‌گه‌ڵ وڵاتانی جیهان.

باسی له‌وه‌شكرد، پاڵپشتییه‌ گه‌وره‌كه‌ی محه‌مه‌د شیاع سودانی سه‌رۆك وه‌زیران بۆ كه‌رتی تایبه‌ت سه‌ره‌تای چاكسازییه‌ له‌ ئابوری عێراقدا، به‌تایبه‌تی كه‌ كه‌رتی تایبه‌ت هاوبه‌شێكی گرنگه‌ بۆ حكومه‌ت له‌ دابینكردنی خزمه‌تگوزاری و هه‌لیكار و كه‌مكردنه‌وه‌ی هه‌ژاری.

نرخی زێڕ لەبازاڕەكانی جیهان گۆڕانكاری به‌خۆوه‌ بینی و خاوەنی یەكێك لە زەڕەنگەرەكانی شاری سلێمانیش دەڵێت، “نرخی یه‌ك ئۆنسه‌ له‌ 2000 دۆلار جێگیر بوه‌، دابه‌زین و به‌رزبونه‌وه‌ی زیاتریشی په‌یوه‌سته‌ به‌ ئاگربه‌سته‌كه‌ی نێوان ئیسرائیل و حه‌ماس”.

محه‌مه‌د حسێن، له‌ زه‌ڕه‌نگه‌ری‌ نیاز له‌ سلێمانی‌ ئەمڕۆ چوارشەممە به‌ خه‌ندان-ی‌ راگه‌یاند، نرخی زێر ئەمڕۆ بەرزبونەوەی بەخۆوە بینیوە، یەک ئۆنسە بە 2000 دۆلار مامەڵەی پێوەدەکرێت و لە هەرێمی کوردستانیش مسقاڵێک زێڕی عەیار 18 بە 380 هەزار دینارە.

مسقاڵێک زێڕی عەیار 21 بە 445 هەزار دینارە و یەک لیرەش بە 430 دۆلارە

ئاماژەی بەوەشکرد، مسقاڵێک زێڕی عەیار 21 بە 445 هەزار دینارە و یەک لیرەش بە 430 دۆلار مامەڵەی پێوەدەکرێت.

ئه‌مڕۆ ئاگربه‌ست راگه‌یه‌ندراوه‌ بۆ ماوه‌ی چوار رۆژ، ئه‌گه‌ر گرێبه‌سته‌كه‌ به‌رده‌وامی پێبدرێت نرخی زێڕ نزم ده‌بێته‌وه‌

باسی لەوەشكرد، نرخی زێڕ به‌ڕێژه‌یه‌كی به‌رچاو به‌رزبونه‌وه‌ی به‌خۆوه‌ بینیوه‌، هۆكاره‌كه‌شی بۆ بانكی فیدڕاڵی ئه‌مریكا ده‌گه‌ڕێته‌وه‌ كه‌ دیاریكردنی رێژه‌ی سوی بۆ مانگی (ئادار/3)ی 2024 دواخست، هۆكارێكی دیكه‌ش كه‌ كاریگه‌ری له‌سه‌ر زێڕ هه‌یه‌ شه‌ڕه‌كه‌ی غه‌ززه‌یه‌، ئه‌مڕۆ ئاگربه‌ست راگه‌یه‌ندراوه‌ بۆ ماوه‌ی چوار رۆژ، ئه‌گه‌ر گرێبه‌سته‌كه‌ به‌رده‌وامی پێبدرێت نرخی زێڕ نزم ده‌بێته‌وه‌، به‌ڵام ئه‌گه‌ر ئاگربه‌سته‌كه‌ بشكێندرێت و كۆتایی بێت جارێكی دیكه‌ نرخی زێڕ رو له‌به‌رزبونه‌وه‌ ده‌كات.

ئه‌وه‌شیخسته‌ڕو، یه‌كێكی دیكه‌ له‌ناجێگیری نرخی زێڕ له‌بازاڕه‌كانی ناوخۆی هه‌رێمی كوردستان و عێراق بۆ به‌های دۆلار به‌رامبه‌ر به‌دیناری عێراقی ده‌گه‌ڕێته‌وه‌، ئه‌گه‌ر به‌های دۆلار به‌رامبه‌ر به‌دینار به‌رزببێته‌وه‌، بێگومان نرخی زێڕیش له‌لای هاوڵاتیان به‌رزده‌بێته‌وه‌.